Shkup, 22 tetor, Zhurnal.mk – Gjykatat në Maqedoninë e Veriut e përfunduan vitin 2025 me 134.610 lëndë të pazgjidhura. Ndërkohë, nga 425 ankesa të shqyrtuara nga Këshilli Gjyqësor, vetëm 13 u vlerësuan si të bazuara.
Gjykatat në Maqedoninë e Veriut gjatë vitit 2025 kanë pasur gjithsej 674.851 lëndë, përfshirë 540.122 lëndë të reja të pranuara gjatë vitit. Nga ky numër, janë zgjidhur 540.241 lëndë, ndërsa 134.610 kanë mbetur të pazgjidhura në fund të vitit.
Paralelisht, Këshilli Gjyqësor ka shqyrtuar 425 ankesa, prej të cilave vetëm 13 janë vlerësuar si të bazuara. Shumica e ankesave të qytetarëve kanë të bëjnë me pakënaqësinë ndaj vendimeve gjyqësore, zvarritjen e procedurave dhe mosrespektimin e afateve të përcaktuara me ligj.
Gjatë së njëjtës periudhë, Këshilli Gjyqësor ka shqyrtuar edhe 90 kërkesa të reja për përcaktimin e përgjegjësisë së gjithsej 161 gjyqtarëve.
Këto të dhëna janë pjesë e raporteve vjetore që pritet të shqyrtohen nga Komisioni parlamentar për Sistem Politik dhe Marrëdhënie ndërmjet Bashkësive.
Shifrat pasqyrojnë ngarkesën e konsiderueshme të gjykatave me lëndë, si dhe numrin e ankesave të qytetarëve të shqyrtuara nga Këshilli Gjyqësor gjatë vitit 2025.
