Konferenca e Kryetarëve nuk arrin dakordësi për programin dhe kalendarin e punimeve të Kuvendit

Tiranë, 11 nëntor, Zhurnal.mk – Konferenca e Kryetarëve nuk ka arritur dakordësi për projektprogramin e punës së Kuvendit për periudhën 16 nëntor – 24 dhjetor 2026 dhe projektkalendarin e punimeve për periudhën 16 nëntor – 4 dhjetor 2026.

Mbledhja u zhvillua nën drejtimin e kryetarit të Kuvendit, Niko Peleshi, ku u shqyrtuan dy dokumentet që përcaktojnë veprimtarinë parlamentare për periudhat përkatëse.

Pas diskutimeve, Konferenca e Kryetarëve nuk arriti një marrëveshje, ndaj çështja iu kalua për votim seancës plenare.