Në Kuvend seancë për pyetje parlamentare

Shkup, 12 nëntor, Zhurnal.mk – Para deputetëve, në kuadër të seancës së sotme parlamentare, janë gjithsej 15 pika të rendit të ditës. Deputetët do të diskutojnë për Propozim-ligjin për ndryshimin dhe plotësimin e Ligjit për Privatizimin dhe Dhënien me Qira të Tokës Ndërtimore në Pronësi Shtetërore (në lexim të dytë), Propozim-vendimin për ndryshimin e Vendimit për zgjedhjen e kryetarëve, zëvendëskryetarëve, anëtarëve dhe zëvendësve të tyre në komisionet e Kuvendit, Propozim-vendimin për ndryshimin e Vendimit për zgjedhjen e shefit, anëtarëve dhe zëvendësanëtarëve të Delegacionit të Kuvendit të Republikës së Maqedonisë së Veriut në Asamblenë Parlamentare të Këshillit të Evropës (APKE), Propozim-vendimin për ndryshimin e Vendimit për zgjedhjen e shefit, anëtarëve dhe zëvendësanëtarëve të Delegacionit të Kuvendit të Republikës së Maqedonisë së Veriut në Dimensionin Parlamentar të Iniciativës së Evropës Qendrore (DP IEQ), si dhe Propozim-vendimin për ndryshimin e Vendimit për themelimin e grupeve parlamentare të Kuvendit të Republikës së Maqedonisë së Veriut për bashkëpunim me parlamentet e shteteve të tjera dhe zgjedhjen e kryetarëve dhe anëtarëve të këtyre grupeve parlamentare.

Në rendin e ditës janë edhe Propozim-vendimi për zgjedhjen e anëtarëve të Këshillit për Mbikëqyrje Qytetare, propozim-kandidati për emërimin e një anëtari të Komisionit Rregullator për Energjetikë, Shërbime të Ujit dhe Shërbime për Menaxhimin e Mbeturinave Komunale të Republikës së Maqedonisë së Veriut, Propozim-plani financiar i këtij komisioni për vitin 2027, Propozim-vendimi për përcaktimin e përqindjes që do të ndahet nga të ardhurat e përgjithshme vjetore për financimin e punës së Komisionit Rregullator për Energjetikë, Shërbime të Ujit dhe Shërbime për Menaxhimin e Mbeturinave Komunale të Republikës së Maqedonisë së Veriut për vitin 2027, si dhe Propozim-rezoluta për Politikën e Migracionit të Republikës së Maqedonisë së Veriut për periudhën 2026–2030, së bashku me Planin e Veprimit.

Deputetët do të diskutojnë edhe për disa propozim-ligje me procedurë të shkurtuar: Propozim-ligjin për ndryshimin dhe plotësimin e Ligjit për Ndërtim, Propozim-ligjin për ndryshimin e Ligjit për Peshkim dhe Akuakulturë, Propozim-ligjin për ndryshimin dhe plotësimin e Ligjit për Sigurim Shëndetësor, Propozimin për interpretim autentik të nenit 23, paragrafët (1) dhe (2), të Ligjit për Planifikim Urbanistik, si dhe Kërkesën për dhënien e interpretimit autentik të nenit 17 të Ligjit për Zjarrfikësit, në lidhje me nenin 2, paragrafi (2), të Ligjit për Siguri dhe Shëndet në Punë.