Xi dhe bashkëshortja e tij shtrojnë banket mirëseardhjeje për pjesëmarrësit në Takimin e Liderëve Ekonomikë të APEC-ut

Nga D V
A+ A-
Rivendos

Pekin, 18 nëntor, Zhurnal.mk – Të mërkurën në mbrëmje presidenti kinez Xi Jinping dhe bashkëshortja e tij Peng Liyuan shtruan në Shenzhen një banket mirëseardhjeje për mysafirët që marrin pjesë në Takimin e 33-të të Liderëve Ekonomikë të APEC-ut.

Para banketit, Xi dhe Peng bënë një foto në grup me udhëheqës e përfaqësues nga ekonomi të ndryshme dhe bashkëshortet e tyre.

Në fjalimin e mbajtur në banket, presidenti Xi Jinping u shpreh:

“Në prag të Takimit të 33-të të Liderëve Ekonomikë të APEC-ut, në emër të qeverisë dhe popullit kinez, u shpreh mirëseardhjen e ngrohtë të gjithë të ftuarve.

Në vitin 1978, unë vizitova për herë të parë Shenzhen-in, që ishte atëherë një fshat i vogël peshkatarësh. Pas mbi 40 vjetëve, këtu është plot me ndërtesa të larta dhe me makina e njerëz. Pamja e Shenzhen-it ka ndryshuar rrënjësisht.

Hapja është gjeni i lindur i Shenzhen-it. Nga një fshat kufitar deri në një qytet modern, nga tërheqja e investimeve dhe teknologjive të huaja deri në hartimin e rregullave ndërkombëtare, Shenzhen-i i sotëm është bërë një dritare e hapjes së Kinës.

Inovacioni është burimi i gjallërisë së Shenzhen-it. Nga përpunimi për eksport deri në zhvillimin e pavarur, nga “fabrika e botës” deri në një qytet inovacioni, Shenzhen-i i sotëm numëron rreth 20 000 aplikime për patenta ndërkombëtare në vit. Në Shenzhen prodhimi i përparuar dhe shërbimet moderne zhvillohen së bashku, duke e bërë këtë qytet një front të inovacionit të Kinës.

Bashkëpunimi është burimi i forcës së Shenzhen-it. Ky qytet i mirëpret me krahët hapur njerëzit nga të gjitha drejtimet, duke tërhequr talente ndërkombëtare nga më shumë se 100 vende e rajone, dhe është bërë një terren për bashkëpunimin me përfitime të përbashkëta të Kinës me të gjitha palët.

Historia e Shenzhen-it është gjithashtu një shembull i suksesshëm i bashkëpunimit të Azi-Paqësorit. Duke kapërcyer kufizimet gjeografike dhe dallimet e pikëpamjeve, ekonomitë e Azi-Paqësorit kanë marrë pjesë aktivisht në bashkëpunimin rajonal, duke krijuar “mrekullinë e Azi-Paqësorit” të zhvillimit të shpejtë ekonomik.

Që nga themelimi i tij, APEC-u është karakterizuar nga hapja, inovacioni dhe bashkëpunimi. APEC-u ka udhëhequr gjithmonë procesin e integrimit ekonomik të Azi-Paqësorit dhe e ka ndihmuar Azi-Paqësorin të bëhet rajoni më dinamik dhe një motor i rëndësishëm i rritjes ekonomike globale.

Që kur mori statusin e vendit organizator të takimit të APEC-ut këtë vit, Kina ka organizuar më shumë se 300 takime dhe aktivitete në 16 qytete, ku kanë marrë pjesë aktivisht mbi 10 000 përfaqësues nga ekonomitë e ndryshme anëtare, duke dhënë kontribut për arritjen e më shumë rezultateve të rëndësishme gjatë “Vitit të Kinës”. Në takimin e nesërm ne do të diskutojmë mbi masat për të zgjeruar hapjen e ndërsjellë, për të kërkuar rrugët e rritjes së nxitur nga inovacioni, për të zgjeruar mundësitë për bashkëpunimin pragmatik në fusha të ndryshme dhe për të promovuar zbatimin e më shumë rezultateve. Unë mirëpres diskutimin me palët e ndryshme lidhur me planin e bashkëpunimit të Azi-Paqësorit, për të nxitur zhvillimin e rajonit.”

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër