Rutte: Shkelja e hapësirës ajrore polake, incident i rrezikshëm si pasojë e luftës në Ukrainë

Nga D V
A+ A-
Rivendos

Bruksel, 20 nëntor, Zhurnal.mk – Sekretari i Përgjithshëm i NATO-s, Mark Rutte, dënoi sot shkeljet e rënda të hapësirës ajrore të Polonisë, duke i cilësuar ato si një incident të rrezikshëm, që lidhet me luftën e vazhdueshme të Rusisë kundër Ukrainës.

Në një deklaratë, Rutte bëri të ditur se kishte zhvilluar një bisedë me kryeministrin polak, Donald Tusk, lidhur me incidentet e ndodhura gjatë natës.

Si kundërpërgjigje ndaj shkeljeve, u mobilizuan avionë luftarakë të NATO-s, për të garantuar mbrojtjen e hapësirës ajrore.

Ai shprehu solidaritetin e Aleancës me Poloninë dhe theksoi se NATO-ja do të vazhdojë të forcojë kapacitetet e saj të parandalimit dhe mbrojtjes.

Rutte nënvizoi se incidenti duhet parë në kontekstin e luftës së Rusisë kundër Ukrainës, duke dënuar si sulmet ruse, ashtu edhe vazhdimin e agresionit ushtarak.

“Ne do të vazhdojmë të qëndrojmë të bashkuar si aleatë dhe të mbështesim Ukrainën”, deklaroi kreu i NATO-s.

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër