Kryetari i PSD-së, Dardan Molliqaj ka reaguar pas publikimit të exit poll në media, i cili ka thënë se kjo është një fitore për Kosovën.
Sipas Molliqajt, opozita nuk duhet, me asnjë kusht, të bëjë koalicion me Vetëvendosjen.
“Kjo është një fitore për Kosovën! Opozita nuk duhet, me asnjë kusht, të bëjë koalicion me Vetëvendosje. 40% nuk është megjithatë dështim, është një paralajmërim se propaganda ende mban peshë përballë zbrazëtisë ideologjike. Ne e kundërshtojmë VV-në sepse ajo e sheh shtetin si pronë dhe qytetarin si mjet. Demokracia nuk rrezikohet vetëm nga ata që sundojnë, por edhe nga ata që nuk kanë asgjë për t’i kundërvënë”, ka shkruar Molliqaj në Facebook.
Lëvizja Vetëvendosje 40.3 për qind, Partia Demokratike e Kosovës 21.4 për qind, Lidhja Demokratike e Kosovës 19.3 për qind, Koalicioni për Kosovën Fituese 7.2 për qind, Lista për Familjen 1.8 për qind, sipas UBO-Consulting për RTV Dukagjini.
