Shkup, 21 shtator, Zhurnaal.mk – Kryetari i Kuvendit, Afrim Gashi, shpjegoi para mediave qëndrimin e tij lidhur me vendimin e Tribunalit të Hagës për katër udhëheqësit e UÇK-së: Hashim Thaçi, Kadri Veseli, Jakup Krasniqi dhe Kadri Veseli.
Gashi deklaroi se posti i tij si personi i parë i Kuvendit nuk e përjashton të drejtën për të pasur privatësi dhe për të shprehur qëndrimin e tij si qytetar e politikan ndaj një ngjarjeje, situate apo çështjeje të caktuar. Ai tha se pikërisht për këtë arsye e pa të nevojshme të fliste.
Një javë më parë, në ditën kur u dha vendimi për katër udhëheqësit e UÇK-së, Gashi shkroi në rrjetet sociale: “asnjë vendim nuk mund ta mohojë faktin se Hashim Thaçi, Jakup Krasniqi, Kadri Veseli dhe Rexhep Selimi janë pjesë e një kapitulli të lavdishëm në historinë e Kosovës”.
Postimi i tij për ish-krerët e UÇK-së u përmend edhe nga presidenti i Serbisë, Aleksandar Vuçiq, gjatë një paraqitjeje publike.
