Leandro Paredes përjetoi momente frike në Argjentinë. Shtëpia e ish mesfushorit të Juventusit e Romës e ndërtuar në provincën e Buenos Aires , Saint Thomas East-West di Canning mori flakë në mëngjesin e së enjtes.
Zjarri dyshohet se ka shpërthyer në një hapësirë të ndërmjetme ku ishte vendosur një kaldajë dhe u shua nga zjarrfikësit vullnetarë të Esteban Echeverria që nuk lejuan përhapjen e flakëve në pjesën tjetër të pronës.
Për fat të mirë nuk u regjistruan as të lënduar e as viktima, por vetëm dëme materiale. Për momentin nuk bëhet e ditur se kush ishte brenda në banesë në momentin e shpërthimit të zjarrit.
Paredes, kapiteni aktual i Boca Juniors, jetonte në atë banesë me partneren e tij Camila Galante dhe 3 fëmijët e tyre, Victoria, Giovanni e Lautaro.
