Ariana Grande u rikthye në qendër të vëmendjes të mërkurën, duke marrë pjesë në premierën në New York të filmit Focker-In-Law, pjesa e katërt e serisë Meet the Parents.
Këngëtarja dhe aktorja 33-vjeçare u shfaq për herë të parë në tapetin e kuq me partnerin e saj, Ricky Alvarez, 35 vjeç.
Çifti u fotografua duke shkëmbyer momente të afërta dhe duke mbajtur duart, duke konfirmuar kështu rikthimin e romancës së tyre, shkruan DailyMail.
Grande dhe Alvarez kishin qenë në një lidhje nga viti 2015 deri në vitin 2016, pasi ishin njohur kur ai punonte si balerin në performancat e saj. Ata thuhet se e rifilluan lidhjen në qershor, pas ndarjes së këngëtares nga aktori Ethan Slater.
Për këtë paraqitje, Grande zgjodhi një fustan të bardhë me pjesën e sipërme të ngushtë dhe fund të gjatë.
Pamjen e plotësoi me grim në nuanca rozë, vathë diamanti dhe flokë të mbledhur në një bisht të ulët. Ndërsa Alvarez u paraqit me xhaketë të zezë, këmishë të bardhë dhe xhinse blu.
Rikthimi i saj në tapetin e kuq vjen vetëm pak muaj pasi Grande kishte paralajmëruar një pauzë nga paraqitjet publike, pas përfundimit të turneut Eternal Sunshine në shtator.
Ajo gjithashtu hoqi dorë nga një rol i planifikuar në shfaqjen Sunday in the Park with George në West End, për t’i kushtuar kohë pushimit.
