Sot (31.10.2026), në orën 01:10, SPB Shkup është njoftuar se në autostradën „Miqësia“, në zonën e fsh. Trubarevë, rrethina e Shkupit, një automjet i tipit „Mercedes“, me targa të Shkupit, i drejtuar nga N.M. (33) nga fsh. Batincë, rrethina e Shkupit, ka humbur kontrollin dhe ka dalë nga rruga, i cili ka përfunduar në oborrin e një shtëpie familjare. Në aksident, lëndime të rënda trupore kanë marrë shoferi N.M. dhe bashkudhëtari i tij D.G. (39) nga Shkupi, të cilat janë konstatuar në Qendrën e Urgjencës pranë kompleksit të klinikave „Nënë Tereza“ në Shkup. Një ekip i SPB Shkup ka bërë këqyrje të vendit të ngjarjes.
Më 30.10.2026, në orën 23:54, SPB Shkup është njoftuar se në një bastore sportive në zonën e Çairit në Shkup, tre persona meshkuj, nën kërcënimin e armës së zjarrit, ia kanë marrë punonjësit paratë e xhiros ditore. Po ndërmerren masa për zbardhjen e rastit.
Më 30.10.2026, në orën 20:30, në SPB Shkup, një 74-vjeçar nga Shkupi ka denoncuar se më 25.10.2026, rreth orës 03:30, në zonën e Komunës së Çairit, nga automjeti i tij transportues, i cili sipas denoncimit nuk ka qenë i kyçur, i është marrë një pistoletë e tipit „Glock“. Po ndërmerren masa për zbardhjen e rastit.
SPB Tetovë ka ngritur kallëzim penal kundër J.T. nga rrethina e Tetovës, mbi dyshime të bazuara për kryerjen e veprave penale „mundësim i përdorimit të drogave narkotike dhe substancave psikotrope“ dhe „prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve“. Më 22/23.10.2026, nëpunësit policorë kanë realizuar bastisje në një objekt hotelierik në Tetovë, ku te i dyshuari kanë gjetur dhe sekuestruar 15 paketime me substancë pluhurore të bardhë. Në objekt është gjetur edhe një person nga Tetova, i cili konsumonte substancë pluhurore, të cilën paraprakisht ia kishte dhënë i dyshuari.
NJPB Kratovë ka ngritur kallëzim penal kundër J.M. (35) nga Kratova, mbi dyshime të bazuara për kryerjen e veprës penale „shkaktim i rrezikut të përgjithshëm“. Më 12.10.2026, në rrugën „Gligor Pazavanski“ në Kratovë, e dyshuara e kishte lënë qenin e saj pa mbikëqyrje dhe pa maskë mbrojtëse, i cili më vonë e kishte kafshuar M.K..
Sot (31.10.2026), në orën 03:00, në SPB Shkup, një grua 24-vjeçare nga Shkupi ka denoncuar se më 30.10.2026, rreth orës 13:00, në shtëpinë familjare në zonën e Bit Pazarit, ishte sulmuar fizikisht nga bashkëshorti i saj A.Z. (24) nga Shkupi, i cili duke përdorur një send të fortë i kishte shkaktuar lëndime, ndërsa njëkohësisht e kishte kërcënuar atë dhe familjen e saj. Sipas denoncimit, ajo edhe më parë ishte keqtrajtuar psikologjikisht dhe fizikisht nga bashkëshorti i saj. Po ndërmerren masa për zbardhjen e rastit.
Më 30.10.2026, në SPB Shkup, N.H.I. (72) nga Shkupi ka denoncuar se më 26.10.2026, rreth orës 11:00, në një market në zonën e Komunës së Aerodromit në Shkup, ajo dhe bashkëshorti i saj ishin sulmuar fizikisht nga një person, i cili e kishte shtyrë dhe i kishte shkaktuar lëndime të rënda trupore. Po ndërmerren masa për zbardhjen e rastit.
Më 29.10.2026, në orën 18:42, në SPB Shkup, G.K. (67) nga Shkupi ka denoncuar se rreth orës 16:40, në zonën e Gjorçe Petrovit, një person kishte hedhur gurë në drejtim të saj, duke i shkaktuar lëndime trupore, pasi më parë denoncuesja e kishte paralajmëruar dhe kishte tentuar ta incizonte personin me telefonin e saj celular, për shkak se po hidhte gurë edhe dhe në rrugën që duhej të asfaltohej. Po ndërmerren masa për zbardhjen e rastit.
Më 30.10.2026, në orën 23:45, në SPB Shkup, K.B. (53) nga Republika e Bullgarisë ka denoncuar se rreth orës 22:23, në zonën e Komunës së Aerodromit në Shkup, një person, duke përdorur forcë fizike, e kishte shtyrë në tokë dhe ia kishte marrë telefonin celular. Po ndërmerren masa për zbardhjen e rastit.
Më 30.10.2026, në orën 12:15, SPB Shkup është njoftuar se në zonën e Kisella Vodës në Shkup, për shkak të një mosmarrëveshjeje të mëparshme, ishte prishur rendi dhe qetësia publike me përleshje fizike ndërmjet V.P. (38) dhe M.M. (44), të dy nga Shkupi. Pas dokumentimit të plotë të rastit, do të vijojnë parashtresa përkatëse.
Më 30.10.2026, në orën 17:30, në Shkup, në zonën e Karposhit, nëpunësit policorë të SPB Shkup, mbi dyshime të bazuara për kryerjen e veprës penale „vjedhje“, e kanë privuar nga liria F.C. (26) nga Shkupi, duke vepruar në bazë të denoncimeve të mëparshme se ai kishte vjedhur biçikleta. Pas dokumentimit të plotë të rastit, do të vijojë parashtresë përkatëse.
Më 30.10.2026, në orën 11:50, në Veles, nëpunës policorë të SPB Veles e privuan nga liria T.Sh. (82) nga Velesi, duke vepruar pas denoncimit paraprak se në shtëpinë e tij kishte sulmuar fizikisht bashkëshorten e tij 72-vjeçare, me ç’rast ka përdorur një send druri dhe e ka kanosur. Sendi është gjetur dhe sekuestruar, ndërsa është njoftuar prokurori publik. Pas dokumentimit të ngjarjes, do të paraqitet kallëzim përkatës.
Më 29.10.2026, në orën 19:45, në SPB Ohër është privuar nga liria U.I. (47) nga Ohri, pas denoncimit paraprak se në shtëpinë familjare kishte shfaqur sjellje agresive ndaj anëtarëve të familjes dhe kishte tentuar të sulmonte bashkëshorten e tij. Pas dokumentimit të plotë të ngjarjes, kundër tij do të paraqitet kallëzimi përkatës.
Më 31.10.2026, në orën 01:35, në NJPB Kërçovë është privuar nga liria A.Z. (26) nga Kërçova, i cili më parë, në bulevardin „Çlirimi“ në Kërçovë, kishte shfaqur sjellje agresive ndaj nëpunësve policorë, të cilët po kryenin detyrat e tyre zyrtare. Gjatë kontrollit, atij i janë gjetur dhe sekuestruar një pistoletë e kalibrit të vogël, me kalibër 22 milimetra, si dhe 31 fishekë, të cilët i posedonte në mënyrë të paligjshme. Pas dokumentimit të plotë të ngjarjes, kundër tij do të paraqitet kallëzimi përkatës.
Më 30.10.2026, në orën 22:40, në SPB Shtip, një grua 42-vjeçare nga Prilepi ka denoncuar se ish-bashkëshorti i saj B.R. nga Prilepi, përmes telefonit, i kishte bërë kërcënime asaj dhe partnerit të saj aktual nga Shtipi. Është njoftuar prokurori publik dhe pas dokumentimit të plotë të rastit, do të vijojë kallëzimi përkatës.
