Kina ndjek një strategji bërthamore vetëmbrojtëse dhe një politikë të mospërdorimit e para të armëve bërthamore, e cila ka qenë gjithmonë e qëndrueshme, konsistente dhe e parashikueshme, deklaroi të martën zëdhënësi i Ministrisë së Mbrojtjes Kombëtare të Kinës, Chen Xi.
Duke iu përgjigjur pyetjeve të mediave lidhur me disa pretendime që Kina po e zgjeron arsenalin e saj bërthamor, Chen theksoi që Kina i mban kapacitetet e saj bërthamore gjithmonë në nivelin minimal të nevojshëm për garantimin e sigurisë kombëtare dhe nuk merr kurrë pjesë në garën e armatimit bërthamor.
Ai shtoi se Kina luan një rol të rëndësishëm në ruajtjen e qëndrueshmërisë strategjike globale dhe u bëri thirrje palëve përkatëse të ndalojnë spekulimet dhe propagandën e pabazuar.
