Shkup, 25 shkurt – Në Kuvend sot do të mbahet një ngjarje me temën “Avancimi i të drejtës për shëndetin e personave me invaliditet” ku do të prezantohen rezultatet e analizës për sfidat me të cilat përballen familjet e personave me invaliditet, si dhe zgjidhjet e mundshme të lidhura me trajtimin e tyre mjekësor.
Siç informojnë nga shërbimi për shtyp i Kuvendit, ngjarja është në organizim të Grupit Parlamentar Interpartiak (GPIP) për të drejtat e personave me invaliditet, në bashkëpunim me Zeta – organizata e invaliditetit dhe drejtësisë, Shoqata e personave me paralizë cerebrale dhe invaliditete tjera – Veles, “Poraka” Negotinë dhe “Eko – Zhivot” – Kavadar. Pjesë e projektit është “Përballja me sfidat dhe stigmatizimi”, qëllimi i së cilës është përmirësimi i mbrojtjes shëndetësore të personave me invaliditet në të gjitha tre nivelet e sistemit shëndetësor.
“Hulumtimi i zbatuar i mendimit publik tregoi se personat me invaliditet dhe familjet e tyre përballen me barriera serioze sistematike dhe propozojnë ndryshime të Ligjit për mbrojtje shëndetësore dhe Ligjit për mbrojtje sociale si një hap kyç drejt tejkalimit të sfidave”, informojnë organizatorët e ngjarjes.
