Deklaratat e Vuçiqit për bashkëpunimin ushtarak Shqipëri-Kroaci, Bushati: Ballkani Perëndimor s’ka nevojë për retorikë të bazuar në frikë

Tiranë, 15 Mars, Zhurnal.mk – Ish-kryediplomati shqiptar, Ditmir Bushati tha se presidenti i Serbisë, Aleksandar Vuçiq u kthye te paralajmërimet për “narrativa të rreme mbi kërcënimet nga Shqipëria dhe Kroacia”.

Ai shkroi në X se deklaratat e Vuçiqit erdhën pak pasi ai dhe kryeministri i Shqipërisë, Edi Rama, shkruan një opinion në gazetën gjermane Frankfurter Allgemeine Zeitung për anëtarësimin në BE.

“Vetëm disa ditë pasi Presidenti i Serbisë dhe Kryeministri i Shqipërisë shkruan një opinion në FAZ për pranimin e një anëtarësimi të ‘nivelit të dytë’ në Bashkimin Europian, presidenti i Serbisë është kthyer përsëri te paralajmërimet për narrativa të rreme mbi kërcënimet nga Shqipëria dhe Kroacia”, shkroi Bushati.

“Ballkani Perëndimor ka nevojë për sundim të ligjit, prosperitet dhe bashkëpunim, jo për retorikë të bazuar në frikë”, shtoi ai.