Shkup, 11 janar – Deri në orën 13 në zgjedhjet e përsëritura lokale kanë votuar 11.217 persona ose 8.90 për qind, informoi Komisioni Shtetëror i Zgjedhjeve (KSHZ) duke iu referuar të dhënave nga 209 vendvotime.
Siç theksoi në konferencën për shtyp, zëdhënësja e KSHZ-së, Radica Todorovska Aleksovska, votimi në të gjitha vendvotimet po zhvillohet pa probleme, përveç vendvotimit 0782 i cili ende nuk është hapur.
“Në komunën e Vrapçishtit kanë votuar 2.613 persona ose 9.58 për qind, në komunën e Gostivarit 8.74 për qind ose 7.043 votues, në Mavrovë – Rostushë 10.03 për qind ose 1.061 persona, ndërsa në komunën Qendër Zhupë kanë votuar 6.61 për qind ose 500 votues”, ka thënë Aleksovska.
Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi.PranojLexo më tepër
