Shkup, 16 shkurt – Pas një rrugëtimi gjashtëvjeçar të mbushur me përkushtim dhe sfida, Dr. Benjamin Kamberi ka përmbyllur me sukses specializimin, duke fituar titullin Specialist i Mjekësisë Interne.
Me këtë rast, ai ka shprehur mirënjohje të veçantë për familjen, për mbështetjen e vazhdueshme gjatë gjithë periudhës së specializimit. Falënderime ka adresuar edhe për mentorët e tij, Rozalinda Popova dhe Magdalena‑Genadieva Dimitrova, si dhe për anëtarët e komisionit: Deska Dimitrievska, Ljubinka Damjanovska‑Krstic dhe Irfan Ahmeti.
Ai falënderoi gjithashtu kolegun Arbër F. Murati, edukatorët, kolegët dhe miqtë që e kanë shoqëruar në këtë rrugëtim, si dhe kolegët nga vendi i punës dhe pacientët për mirëkuptimin dhe durimin gjatë kësaj periudhe.
Përfundimi i specializimit shënon fillimin e një kapitulli të ri në karrierën e tij profesionale, me synimin për angazhim edhe më të madh në shërbim të pacientëve.
