Fronti Evropian ka ngritur padi në Gjykatën Administrative për vendimin e KSHZ-së për rivotimin në Zhelinë

Shkup, 29 maj –  Koalicioni Fronti Evropian ka paraqitur padi në Gjykatën Administrative pas vendimit të Komisionit Shtetëror të Zgjedhjeve për rivotimin në Zhelinë, në qendrën e votimit 2101 në fshatin Larcë. Gjykata duhet të vendosë brenda 48 orëve nga marrja e padisë.

Më herët KSHZ-ja nuk e pranoi kundërshtimin e Frontit Evropian për rivotimin e kësaj qendre votimi, me të cilin koalicioni i udhëhequr nga BDI-ja humbi një deputet në rezultatet e 8 majit, ndërsa koalicioni VLEN mori një mandat deputeti. Për të kompletuar përbërjen e Kuvendit, KSHZ-ja duhet të shpallë emrin nga koalicioni VLEN që duhet të zërë deputetin e Biljal Kasamit, i cili nga ana e tij dorëzoi dorëheqjen në legjislativ.