Gashi pret sot ish-kryetarët e Kuvendit

Shkup, 05 tetor, Zhurnal.mk – Kryetari i Kuvendit të Maqedonisë së Veriut, Afrim Gashi, sot do të takohet me ish-kryetarët e institucionit ligjvënës.

Ish-kryetarët e Kuvendit do ta vizitojnë institucionin, ndërsa takimi do të zhvillohet në ora *13:00*, në Sallën e Ohrit.

Ndërkohë, gjatë ditës së sotme në Kuvend do të zhvillojnë mbledhje Komisioni për Sistem Politik dhe Marrëdhënie Ndërmjet Bashkësive dhe Komisioni Juridiko-Ligjvënës.

Në rendin e ditës së të dyja komisioneve është *Propozim-ligji për plotësimin e Ligjit për shpërblimet shtetërore*, i cili do të shqyrtohet në lexim të parë.