573
Shkup, 8 shkurt – Zhurnal.mk – Deputeti i koalicionit VLEN, Adnan Azizi, ka reaguar përmes një shkrimi publik lidhur me zhvillimet e fundit politike, duke theksuar se po realizohen zotimet e dhëna ndaj qytetarëve dhe se ka nisur korrigjimi i padrejtësive historike ndaj shqiptarëve.
“Siç e thamë para gati një jave, ashtu edhe u bë. Një nga një po i përmirësojmë padrejtësitë historike që u janë bërë shqiptarëve në dekadat e fundit. Vazhdojmë!”, ka shkruar Azizi.
Ai shkrimit i ka bashkëngjitur edhe një fotografi të një deklarate të kryetarit të Tetovës, Bilall Kasami, duke lënë të kuptohet se bëhet fjalë për hapa konkretë institucionalë në këtë drejtim.
