Shkup, 13 nëntor, Zhurnal.mk – Nga 1 korriku, kompanitë e sektorit privat kanë filluar me pagesën e regresit për pushim vjetor, i njohur më shumë si K-15. Shuma minimale që duhet të marrin të punësuarit këtë vit është rreth 19.116 denarë.
K-15 është një kompensim vjetor i detyrueshëm, të cilin punëdhënësi ia paguan punonjësit në formë të regresit për pushim vjetor. Të drejtë për këtë kompensim kanë punonjësit të cilët gjatë vitit kalendarik kanë realizuar të paktën gjashtë muaj përvojë pune të pandërprerë te i njëjti punëdhënës.
Shuma e K-15 nuk është fikse, por llogaritet në varësi të pagës mesatare mujore neto për punonjës në shtet, të paguar gjatë tre muajve të fundit para muajit në të cilin kryhet pagesa.
Sipas rregullave, regresi duhet të jetë së paku 40 për qind e pagës mesatare neto të paguar gjatë tre muajve të fundit. Në raste të caktuara, shuma maksimale e patatueshme mund të arrijë deri në 100 për qind të pagës mesatare, në përputhje me kushtet e përcaktuara në marrëveshjen kolektive.
K-15 duhet të paguhet më së voni deri më 31 dhjetor të vitit aktual.
Për punëdhënësit që nuk do ta paguajnë regresin janë paraparë gjoba në të holla. Përveç kësaj, nëse punonjësi detyrohet ta kthejë në para të gatshme K-15 e paguar, legjislacioni parasheh edhe mundësinë e dënimit me burg deri në një vit.
