Shkup, 16 qershor, Zhurnal.mk – Një ekip mobil doganor pengoi një tentativë për kontrabandë stoli prej ari me vlerë rreth 1,5 milionë denarë. Rasti u zbulua në hyrje të shtetit, në pikën kufitare Bllacë, kur inspektorët e Sektorit për operacione, për shkak të dyshimit të bazuar, kryen kontroll mbi një automjet të drejtuar nga një shtetas i Maqedonisë së Veriut.
Gjatë kontrollit u gjet ar i thyer dhe stoli prej ari me peshë totale 324,7 gramë, të cilat personi, me qëllim kontrabande, i kishte mbështjellë në një qese të zezë dhe i kishte fshehur në sirtarin nën sediljen e shoferit.
Rasti iu dorëzua Sektorit për hetime, i cili ndaj autorit I.M. paraqiti kallëzim penal në Prokurorinë Publike të Shkupit për veprën penale kontrabandë, të dënueshme sipas Kodit Penal. /Zhurnal.mk
