Ministria e Tregtisë e Kinës u bëri thirrje të enjten Shteteve të Bashkuara që të heqin menjëherë masat tarifore sipas Seksionit 232 për dronët dhe pjesët e dronëve, duke theksuar se këto masa dëmtojnë rëndë interesat e ndërmarrjeve kineze dhe pengojnë bashkëpunimin në zinxhirët globalë të furnizimit dhe të industrisë të dronëve.
Kina ka qenë gjithonë e mendimit që masat sipas Seksionit 232 të ShBA-së përbëjnë unilateralizëm e proteksionizëm nën pretekstin e “sigurisë kombëtare”, u shpreh zëdhënësi i Ministrisë së Tregtisë He Yadong në një konferencë të rregullt për shtypin, në përgjigje të një pyetjeje lidhur me vendimin e ShBA-së për të vendosur tarifat.
Dronët kinezë të eksportuar në ShBA kanë kryesisht përdorime civile, duke përfshirë bujqësinë, kontrollin e pajisjeve dhe argëtimin në film e televizion, tha He.
Sipas tij, masat sipas Seksionit 232 e shtrijnë së tepërmi konceptin e sigurisë kombëtare, vendosin norma tarifore të diferencuara mbi partnerët tregtarë dhe diskriminojnë produktet përkatëse kineze.
Këto masa minojnë më tej një mjedis tregu që karakterizohet nga konkurrenca e ndershme, tha zëdhënësi, duke shtuar që “Kina e kundërshton me vendosmëri këtë.”
