Bruksel, 7 shtator Zhurnal.mk – Ambasadori dhe Përfaqësuesi i Përhershëm i Republikës së Maqedonisë së Veriut në NATO, Orhan Murtezani, zhvilloi një takim me Ambasadorin e Mbretërisë së Bashkuar në NATO, ku u diskutua për prioritetet e përbashkëta dhe mundësitë për forcimin e bashkëpunimit.
Gjatë takimit u zhvillua një shkëmbim konstruktiv mbi çështjet me rëndësi për Aleancën dhe angazhimin e përbashkët për ruajtjen e sigurisë dhe stabilitetit euroatlantik.
Murtezani theksoi rëndësinë e bashkëpunimit të ngushtë ndërmjet vendeve aleate dhe kontributit të përbashkët në përballimin e sfidave të sigurisë.
Takimi konfirmoi përkushtimin e dy vendeve për forcimin e partneritetit dhe bashkëpunimit brenda NATO-s, në funksion të sigurisë dhe stabilitetit euroatlantik.
