TIRANË, 31 mars – Kryetari i Kuvendit, Niko Peleshi zhvilloi sot një takim me bashkëraportuesit e Asamblesë Parlamentare të Këshilli i Europës, Ionut-Marian Stroe dhe Pavel Jablonski, ku u diskutua mbi ecurinë e reformave dhe standardet demokratike në Shqipëri.
Gjatë takimit u theksua se, pas daljes nga sistemi i monitorimit në prill 2024, Shqipëria ka bërë përparime në zbatimin e rekomandimeve të Këshillit të Europës, veçanërisht në luftën kundër korrupsionit, lirinë e medias, respektimin e të drejtave të pakicave kombëtare, reformën në drejtësi dhe forcimin e pavarësisë së institucioneve.
Peleshi njohu raportuesit edhe me veprimtarinë e komisioneve të posaçme për realizimin e reformës zgjedhore dhe asaj administrativo-territoriale, duke theksuar rëndësinë e këtyre proceseve për konsolidimin e institucioneve demokratike.
Në këtë kuadër, u vlerësua bashkëpunimi me Këshilli i Europës dhe Asamblenë Parlamentare të kësaj organizate, si partnerë kyç në rrugëtimin e Shqipërisë drejt anëtarësimit në Bashkimin Evropian.
