Shkup, 19 janar – Presidentja Gordana Siljanovska Davkova ishte pjesë e shënimit solemn të festës së madhe Uji i Bekuar në Ohër dhe Strugë, ku mitropoliti i Dibrës dhe Kërçovës z. Georgij shenjtëroi ujërat e Liqenit të Ohrit dhe lumit Drini i Zi, duke vendosur kryqin e shenjtë në to.
Të udhëhequr nga besimi i fortë në hirin e ujit të bekuar dhe nga zakoni shekullor që simbolizon pagëzimin e Jezu Krishtit, një numër i madh i besimtarëve morën pjesë në këtë akt të shenjtë, me lutje dhe shpresë për pastrim shpirtëror.
Në Strugë, më i lumturi midis pjesëmarrësve që hynë në ujërat e bekuara, Petar Çakareski, mori një dhuratë nga presidentja.
Siljanovska Davkova theksoi se festa Uji i Bekuar mbart një mesazh të qartë ripërtëritjeje shpirtërore, bashkësie dhe besimi të palëkundur, duke bashkuar shumë breza besimtarësh përgjatë kohërave.
