Rritet numri i fëmijëve të prekur nga virusi prekë frymëmarrjen

Shkup, 9 Mars, Zhurnal.mk – Në Klinikën për Sëmundje të Fëmijëve është rritur numri i kontrolleve por edhe fëmijëve të hospitalizuar, ndërkohë që një pjesë e tyre trajtohen edhe me mbështetje oksigjeni, thonë përfaqësuesit e klinikës.
Mjekët sqarojnë se tash për tash dominon virusi “sincicial” i frymëmarrjes, i cili karakterizohet edhe me kollë të fortë.
“Për momentin pacientët më të vegjël janë në moshë shumë të hershme, që nga të sapolindurit deri rreth tre ose katër muaj. Disa prej tyre janë në mbështetje me oksigjen, megjithatë aktualisht nuk kemi pacientë në gjendje të rëndë shëndetësore. Zakonisht, rreth 20 deri në 30 për qind e të gjithë pacientëve të hospitalizuar paraqesin simptoma dominuese respiratorë,” deklaroi mjekja Vesna Micevska.
“Virusi respirator sincicial është karakteristik se ka pasqyrë më të rëndë klinike tek fëmijët më të vegjël, respektivisht tek foshnjat ndërsa tek fëmijët më të mëdhenj kalon më lehtë. Tek më të vegjlit fillon me sekrecion të hundëve dhe kollitje, që më pas vjen tek infeksion më i vështirë siç është bronkoliti, ose ndezje e mushkërive të bardha që manifestohen me kollitje të rëndë, vështirësi në frymëmarrje dhe nevojë për shërim spitalor,” tha Vesna Micevska, raporton Alsat.
Mjekët bëjnë thirrje për kujdes të shtuar, veçanërisht tek foshnjat dhe fëmijët e vegjël.
Prindërit këshillohen të shmangin ekspozimin e fëmijëve në ambiente të mbushura me njerëz, të mbajnë higjienë të rregullt dhe në rast të simptomave si kollë e fortë, temperaturë apo vështirësi në frymëmarrje, të kërkojnë menjëherë ndihmë mjekësore.