Shkup, 19 shkurt – Duam të kemi komunikim aktiv dhe angazhim aktiv me Sofjen, provë se mund të bashkëpunojmë është Korridori 8. Kemi edhe komunikim konkret me Bashkimin Evropian. Një nga temat që diskutuam me kryetarin e Këshillit Evropian, Antonio Koshta në Munih ishte procesi i gjetjes potenciale të një zgjidhje me Bullgarinë fqinje dhe kjo është diçka mbi të cilën do të punojmë, por në korniza të parimeve që janë të qarta, deklaroi ministri i Punëve të Jashtme dhe Tregtisë së Jashtme, Timço Mucunski, duke iu përgjigjur pyetjeve të gazetarëve para Forumit të biznesit midis Maqedonisë dhe Sllovakisë.
“Dje mora pjesë në një aktivitet në Tiranë kushtuar Korridorit 8 ku po merren masa të prekshme nga të dyja palët për realizimin e këtij projekti. Por gjithashtu thamë se segmenti perëndimor i Korridorit 8 në Shqipëri duhet të përshpejtohet dhe kemi parë sinjale pozitive nga Shqipëria në periudhën e fundit dhe kjo është për t’u përshëndetur, sepse vetë Korridori 8 nuk do të ishte i plotë pa detyrimet që duhet të ndërmarrë Republika e Shqipërisë dhe nuk po flasim vetëm nga pikëpamja e infrastrukturës rrugore dhe hekurudhore, por edhe infrastrukturën energjetike dhe çështjeve të tjera plotësuese që lidhen me të. Pse e përmend Korridorin 8? Sepse Korridori 8 është dëshmi se ne mund të bashkëpunojmë me Bullgarinë fqinje, kur të duam”, ka thënë Mucunski.
Ai rikujtoi se në këtë moment në Bullgarinë fqinje është duke u zhvilluar një proces zgjedhor dhe duhet të jemi maksimalisht të kujdesshëm që të jetë e mundur për atë që themi dhe si pozicionohemi në këtë moment sepse, siç tha ai, “ne si vend nuk kemi absolutisht asnjë interes të bëhemi pjesë e retorikës zgjedhore në Bullgarinë fqinje”.
“Kushdo që dëshiron dhe synon të na përfshijë në retorikën zgjedhore në Bullgarinë fqinje nuk ka vlera pro-BE. Dhe këtë e shohim nga faktorë të caktuar në Bullgarinë fqinje, por për të qenë sa më i sinqertë, e ndiej edhe nga faktorë të caktuar politikë këtu”, tha Mucunski.
Ai konfirmoi se për këtë çështje, po zhvillohet një komunikim konkret me Bashkimin Evropian.
“Disa ditë më parë, patë një takim në Munih midis kryeministrit Mickoski ku e shoqërova edhe unë me kryetarin e Këshillit Evropian, Antonio Koshta. Sigurisht, një nga temat që diskutuam ka qenë procesi i gjetjes së mundshme të një zgjidhje me Bullgarinë fqinje dhe kjo është diçka mbi të cilën do të punojmë, por brenda kornizës së parimeve që janë të qarta për ne besoj, për të gjithë ju dhe që i kemi vendosur publikisht”, theksoi Mucunski.
Në takimin me Koshtën javën e kaluar në Munih, kryeministri Hristijan Mickoski theksoi se vendi mbetet i përkushtuar në rrugën e reformave evropiane, sepse meriton një proces dinjitoz dhe parimor, bazuar në vlerat evropiane, por edhe kushtëzime bilaterale. Diskutojmë hapur dhe sinqerisht për perspektivën evropiane të Maqedonisë, reformat që po zbatojmë dhe sfidat që qëndrojnë në rrugën e anëtarësimit të plotë në Bashkimin Evropian. E përcolla qartë pozicionin tonë – Maqedonia mbetet e përkushtuar në rrugën evropiane. Por edhe Maqedonia meriton një proces dinjitoz dhe parimor, bazuar në vlera evropiane dhe jo në kushtëzime dypalëshe”, theksoi kryeministri Mickoski në takim.
Bullgaria do të mbajë zgjedhje të parakohshme parlamentare më 19 prill 2026, të teta në pesë vitet e fundit për shkak të krizës politike e cila shkaktoi protesta masive kundër korrupsionit. Mandatari për përbërjen e qeverisë teknike të Bullgarisë, Andrej Gjurov, dje zyrtarisht prezantoi emrat e ministrave që duhet të zhvillojnë zgjedhjet e parakohshme parlamentare të planifikuara për 19 prill.
