449
Prishtinë, 8 maj, Zhurnal.mk – Ish-deputetja e VV-së, Shqipe Mehmeti-Selimi ka qëndruar në Hagë, ku ka vizituar bashkëshortin e saj, Rexhep Selimi, i cili po përballet me proces gjyqësor në Dhomat e Specializuara.
Ajo ka ndarë një fotografi dhe një mesazh në rrjetet sociale, duke reaguar pas vendimit për shtyrjen e shpalljes së aktgjykimit ndaj ish-krerëve të UÇK-së.
“Nuk ka shtyerje e as vonesë që na lodhë! Krenarë!”, ka shkruar ajo.
Ditë më parë u bë e ditur se Gjykata Speciale ka shtyrë shpalljen e aktgjykimit për rastin ndaj ish-krerëve të UÇK-së deri më 20 korrik.
Në këtë rast, krahas Rexhep Selimi, po gjykohen edhe ish-krerët tjerë të UÇK-së, Hashim Thaçi, Kadri Veseli dhe Jakup Krasniqi.
