Sveçla: Aplikimi për lejeqëndrim në Kosovë tashmë mund të bëhet online përmes e-Kosovës

Nga D V
A+ A-
Rivendos

Prishtinë, 18 nëntor, Zhurnal.mk – Ministri i Punëve të Brendshme, Xhelal Sveçla, ka njoftuar se nga sot, të huajt mund të aplikojnë për herë të parë për lejeqëndrim në Republikën e Kosovës përmes platformës shtetërore e-Kosova.

Sipas Sveçlës, ky shërbim i ri synon të lehtësojë procedurat administrative, duke mundësuar aplikim më të shpejtë, më të thjeshtë dhe më efikas për shtetasit e huaj që kërkojnë lejeqëndrim në Kosovë.

Megjithatë, aplikimi online do të jetë i mundur vetëm nga brenda territorit të Republikës së Kosovës, në përputhje me legjislacionin në fuqi.

Sveçla ka bërë të ditur se digjitalizimi i këtij shërbimi është pjesë e reformave për modernizimin e administratës publike dhe rritjen e qasjes në shërbimet shtetërore.

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër