Truri është organi më aktiv i trupit dhe është përgjegjës për mendimet, lëvizjet, frymëmarrjen, rrahjet e zemrës dhe shqisat. Për t’u ruajtur funksionimi i tij optimal, është e domosdoshme që ai të ushqehet rregullisht dhe me ushqime të shëndetshme, pasi gjithçka që hamë ndikon në strukturën, funksionet e trurit dhe humorin tonë.
Ekspertët këshillojnë shmangien e ushqimeve që dëmtojnë funksionet e trurit, sidomos nëse konsumohen afatgjatë. Disa prej tyre janë:
1. Vaji vegjetal – Përmban sasi të larta të acidit yndyror omega-6, i cili nxit inflamacionin në tru. Zgjidhni alternativa si vaji i ullirit, i pasur me omega-3, që lufton inflamacionin.
2. Ushqimet e skuqura – Konsumi i tyre ul aftësitë e të nxënit dhe kujtesën, duke shkaktuar inflamacion dhe dëmtim të qelizave nervore.
3. Pijet e gazuara – Mbushur me sheqer dhe fruktozë, rrisin rrezikun e sklerozës në tru dhe shkaktojnë dëmtime nervore.
4. Drithërat e rafinuar – Buka e bardhë, makarona, orizi dhe sheqeri përthithen shpejt, duke rritur nivelin e sheqerit dhe insulinës, që nuk është i mirë për trurin.
5. Alkooli – Konsumi i tepërt është toksik për strukturën dhe funksionet e trurit. Një gotë verë në ditë për gratë dhe dy gota për burrat konsiderohet e pranueshme, por mbi këtë sasi mund të jetë e dëmshme.
Duke zgjedhur ushqime të shëndetshme dhe duke shmangur këto produkte, mund të ruani funksionin optimal të trurit, kujtesën dhe humorin, duke përmirësuar cilësinë e jetës.
