5
Shkup, 30 shtator, Zhurnal.mk – Forumi rajonal për parandalimin e korrupsionit dhe vlerësimin e rreziqeve nga korrupsioni në Ballkanin Perëndimor do të mbahet sot në Shkup.
Do të marrin pjesë përfaqësues të lartë të institucioneve supreme të revizionit, organeve antikorrupsion dhe institucioneve për prokurime publike nga vendet e Ballkanit Perëndimor, si dhe përfaqësues të Bashkimit Evropian, trupit diplomatik dhe organizatave ndërkombëtare.
Në kuadër të ditës së parë të konferencës do të diskutohet për forcimin e integritetit dhe llogaridhënies, parandalimin e korrupsionit, rolin e institucioneve supreme të revizionit, vlerësimin e rreziqeve të korrupsionit dhe prokurimet publike si fushë e rëndësishme për parandalimin e korrupsionit.
