Më 19.11.2025 rreth orës 12:01, në Stacionin Policor të Shkupit është raportuar se në kryqëzimin e rrugës „11 Oktomvri“ me bulevardin „Koço Racin“ në Shkup, një automjet mjekësor „Renault Trafic“ me targa të Shkupit, pronë e një institucioni privat shëndetësor, i drejtuar nga Zh.A. (55) nga Shkupi, ndaloi papritur për të shmangur përplasjen me një automjet tjetër, i cili u largua nga vendi i ngjarjes.
Si pasojë, A.M. (26) nga Shkupi, mjeke në institucion, pësoi lëndime të rënda trupore, ndërsa A.R. (41) nga Shkupi, gjithashtu punonjëse në institucion, pësoi lëndime trupore, të konfirmuara në Spitalin e Përgjithshëm të Qytetit „Shën Naum Ohri“.
Në automjetin mjekësor udhëtonte edhe J.T. (89) nga Shkupi, i cili kishte probleme shëndetësore, dhe pasi u transferua në Spitalin e Përgjithshëm të Qytetit „Shën Naum Ohri“, mjeku konstatoi vdekjen e tij.
Me urdhër të prokurorit publik, trupi i të ndjerit iu dorëzua obduksionit.
Është kryer inspektim nga ekipi i hetimit i SPB Shkup dhe po merren masa për zbardhjen e plotë të rastit.