Kancelari gjerman, Friedrich Merz, ka thënë të premten se Berlini kishte filluar bisedime konfidenciale me Francën rreth një mbrojtje bërthamore evropiane, duke thënë se rajoni duhej të bëhej më i fortë në mënyrë që të rivendosë marrëdhënien me Shtetet e Bashkuara.
Në fjalimin në hapje të Konferencës së Sigurisë në Munih, Merzi i bëri thirrje gjithashtu Washingtonit të riparojë dhe të ringjallë besimin në një epokë të re të rrezikshme të politikës së fuqive të mëdha, duke paralajmëruar se SHBA-ja nuk mund të ecë vetëm ndërsa rendi i vjetër global shkatërrohet.
Fjalimi nënvizoi se si udhëheqësit evropianë po kërkojnë gjithnjë e më shumë të ndërtojnë një rrugë të pavarur pas një viti trazirash të papara në lidhjet transatlantike, ndërkohë që përpiqen gjithashtu të ruajnë aleancën e tyre me Uashingtonin.
