619
Mynih, 14 shkurt – Në Mynih, Kryeministri i Republikës së Maqedonisë, Hristijan Mickoski, zhvilloi një takim me Presidentin e Ukrainës, Volodymyr Zelenskyy. Gjatë takimit u diskutua për sfidat aktuale të sigurisë në Evropë dhe për nevojën për unitet e solidaritet midis shteteve.
Mickoski theksoi se paqja duhet të ndërtohet mbi bazën e drejtësisë dhe respektimit të dinjitetit të popujve, pasi vetëm një paqe e tillë sjell stabilitet dhe një të ardhme të sigurt për Evropën.
Gjithashtu, në takim u shqyrtua mbarëvajtja e bashkëpunimit mes dy shteteve, shkëmbimi ekonomik dhe mbështetja në proceset e progresit. Kryeministri Mickoski nënvizoi se përparimi është i mundur kur ekziston një vizion i qartë, guxim dhe përcaktim.
