Ndahet nga jeta në moshën 96-vjeçare Tomor Dosti, një figurë e njohur e politikës shqiptare dhe ish-deputet i Partisë Demokratike. Dosti ka qenë dy herë deputet i Partisë Demokratike dhe nënkryetar i Kuvendit.
Në vitin 1991, Tomor Dosti iu bashkua PD-së duke vënë në dispozicion të saj kredibilitetin politik e familjar dhe duke krijuar me Pjetër Arbnorin, Leka Totën, Uran Butkën, Ajet Rusin dhe të vëllain Lekën, një profil të djathtë të partisë së re.
Ai ishte nënkryetar i PD-së në vitet e para, ndërsa u zgjodh deputet në dy legjislatura 1991-1996 dhe më 1998 u tërhoq nga politika aktive.
Dosti lindi në Gjirokastër, në vitin 1930 dhe vinte nga një familje me të persekutuar politike. I biri i ish-ministrit Hasan Dosti, pas arratisjes së babait dhe vëllait, ai me vëllezërit dhe motrat, pasi të ëmën ia pushkatuan gjermanët ditën e largimit nga Tirana, u persekutuan.
U arrestua më 1953 dhe u dënua me 20 vjet heqje lirie “për tentativë arratisjeje”. Burgun e vuajti në Burrel mes personaliteteve të Shqipërisë. Pas burgut kaloi kalvarin e internimit familjarisht.
