Shkup, 19 prill Zhurnal.mk – Në komunën e Çair ka nisur një aksion për identifikimin dhe largimin e veturave të vjetruara dhe të braktisura që zënë hapësira publike në rrugë dhe lagje.
Qindra automjete që prej vitesh nuk janë në përdorim dhe kanë mbetur të parkuara në mënyrë të paligjshme, po evidentohen nga shërbimet komunale me qëllim largimin e tyre nga terreni.
Ky proces synon rritjen e rendit urban, përmirësimin e sigurisë dhe krijimin e më shumë hapësirave për parkim për banorët e lagjeve.
Sipas autoriteteve lokale, aksioni do të ndikojë edhe në lehtësimin e qarkullimit të automjeteve dhe në përmirësimin e pastërtisë në hapësirat publike.
Qëllimi kryesor është rregullimi i hapësirave të përbashkëta dhe kthimi i tyre në funksion të qytetarëve.
