Tetovari rrahu të dashurën para një ndërtese, më pas u vetëparaqit në polici

Shkup, 29 korrik, Zhurnal.mk – Një 32-vjeçare nga Tetova ka denoncuar në polici se është sulmuar fizikisht nga i dashuri i saj, njoftoi Ministria e Punëve të Brendshme.

Sipas kallëzimit, ngjarja ka ndodhur dje rreth orës 18:30, para ndërtesës ku ajo banon në lagjen Blloku 70, ndërsa si i dyshuar është identifikuar B.I. nga Tetova.

MPB bën të ditur se mëngjesin e sotëm i dyshuari është vetëparaqitur në stacionin policor.

Pas dokumentimit të plotë të rastit, ndaj tij do të ngrihet kallëzimi përkatës.