Shkup, 24 gusht, Zhurnal.mk – Ministria e Punëve të Brendshme njofton se qarkullimi në Pikën Kufitare Tabanoc zhvillohet pa ndërprerje dhe pa ndalesa, ndërsa automjetet me targa të huaja te të cilat është evidentuar kundërvajtje rrugore për pagesë, ndalohen më së shumti deri në pesë minuta për rregullimin e detyrimit.
Theksojnë se falë sistemit të vendosur dhe mundësisë për rregullimin elektronik të detyrimit përmes aplikacionit „Qyteti i Sigurt“, procedura është lehtësuar dhe përshpejtuar ndjeshëm.
Ministria e Punëve të Brendshme më 20 gusht, lançoi aplikacionin web me një ndërfaqe mobile – “Qyteti i sigurt”, i cili në këtë fazë është i destinuar për shtetasit e huaj – pronarë dhe drejtues të automjeteve me targa të huaja, në mënyrë që të mos duhet të presin në kufij për të paguar gjobën.
Shtetasit e huaj, përmes aplikacionit, mund të marrin thjesht dhe drejtpërdrejt informacion në lidhje me shkeljet e trafikut të regjistruara me sistemin “Qyteti i sigurt”, të kenë informacion në urdhërat e pagesës së kundërvajtjeve të lëshuara, si dhe të paguajnë gjobat elektronikisht. Gjatë hyrjes, drejtuesi i automjetit duhet të bëjë një foto ose të skanojë pasaportën e tij ose të saj dhe të fusë regjistrimin e automjetit ose automjeteve që ai ose ajo përdor në vendin tonë.
Në këtë mënyrë, drejtuesit e huaj, automjetet e të cilëve do të regjistrohen si të kenë kryer një shkelje të trafikut në territorin e të gjithë vendit, do të jenë në gjendje të informohen në kohë dhe thjesht dhe të rregullojnë detyrimin e tyre, pa pasur nevojë për ndalim shtesë në pikat kufitare.
MPB-ja njoftoi se do të vazhdojë të përmirësojë shërbimet digjitale, dhe në fazat e ardhshme, është planifikuar të zgjerojë funksionalitetet për kategori të tjera të përdoruesve.
Linku për aplikacionin: https://safecountry.mvr.gov.mk/.
