Shkup, 11 shtator, Zhurnal.mk – Koordinatori i grupit parlamentar të VMRO‑DPMNE, Nikola Micevski, nga foltorja e Kuvendit iu drejtua LSDM‑së, duke kritikuar mënyrën se si opozita e përdor instrumentin e pyetjeve parlamentare.
“Së pari, e demantuat koordinatorin tuaj që para gjysmë ore tha sa të rëndësishme janë pyetjet parlamentare të opozitës. Instrument i shpikur për t’i dhënë mundësi opozitës të bëjë pyetje. E ju mbani konferencë për ‘botën serbe’”, tha Micevski.
Ai akuzoi LSDM‑në se po mban fjalime për një person që nuk ishte i pranishëm në Kuvend, duke përmendur presidentin e Serbisë, Aleksandar Vuçiç.
“Flasim për të njëjtin Vuçiç, atë Vuçiç të cilit i duartrokitët ju, Venko dhe Zaev, me një kuti vaksina në minus dy gradë në kufi. Flisni për ‘botën serbe’ dhe për Vuçiç. Atë Vuçiç me të cilin në Beograd, bashkë me një gotë verë, kënduat këngë serbe, kryetari juaj dhe atëherë kryeministër i shtetit. Ky është ‘bota serbe’ dhe ky është Vuçiç”, theksoi Micevski.
Ai shtoi se LSDM kishte tentuar ta “blinte” deputetin Stoilkovic në mandatin e kaluar, por pa sukses.
“Ky është i njëjti Stoilkovic për të cilin kërkuat mënyrë ta blini në mandatin e kaluar dhe që nuk iu nënshtrua shantazheve dhe ofertave tuaja financiare për të kaluar nga grupi parlamentar i VMRO‑DPMNE. Kjo ju dhemb, që nuk arritët ta thyenit grupin parlamentar”, tha ai.
Micevski përfundoi duke akuzuar LSDM për mungesë kreativiteti dhe për keqpërdorim të instrumentit të pyetjeve parlamentare.
“Më vjen keq që edhe këtë instrument të pyetjeve parlamentare të opozitës arritët ta shkatërroni. Në mungesën tuaj të kreativitetit nuk ka fund. Vazhdoni kështu dhe rezultatet e zgjedhjeve do t’i shihni. Koleget e tjera nga opozita tashmë po largohen nga ju dhe po ju qeshin për atë që nuk dini ta bëni si opozitarë”, tha Micevski, duke shtuar se LSDM po e shndërron procedurën në monologje për persona që nuk janë të pranishëm.
