Prishtinë, 13 shtator, Zhurnal.mk – Kuvendi i Kosovës ka votuar kabinetin e ri qeveritar të propozuar nga kryeministri Albin Kurti, duke i hapur rrugë fillimit të mandatit të katërt të Qeverisë së udhëhequr prej tij.
Për përbërjen e re të Qeverisë kanë votuar 62 deputetë, ndërsa 8 kanë votuar kundër. Nuk ka pasur asnjë abstenim.
Kabineti i ri qeveritar përbëhet nga 20 anëtarë. Glauk Konjufca do të jetë zëvendëskryeministër i parë dhe ministër i Punëve të Jashtme dhe Diasporës, ndërsa Donika Gërvalla është propozuar zëvendëskryeministre e dytë dhe ministre e Drejtësisë. Fikrim Damka do të ushtrojë detyrën e zëvendëskryeministrit të tretë.
Përbërja e re e Qeverisë Kurti 4 është si vijon:
- Hekuran Murati – ministër i Financave
- Andin Hoti – ministër për Punë, Familje dhe Vlerat e Luftës Çlirimtare
- Ejup Maqedonci – ministër i Mbrojtjes
- Xhelal Sveçla – ministër i Punëve të Brendshme
- Lulzon Jakxhiu – ministër i Dixhitalizimit dhe Administratës Publike
- Arben Vitia – ministër i Shëndetësisë
- Hajrulla Çeku – ministër i Arsimit dhe Shkencës
- Saranda Bogujevci – ministre e Kulturës dhe Turizmit
- Elbert Krasniqi – ministër i Administrimit të Pushtetit Lokal
- Blerim Gashani – ministër i Sportit dhe Rinisë
- Fitore Pacolli – ministre e Mjedisit dhe Planifikimit Hapësinor
- Armend Muja – ministër i Bujqësisë, Pylltarisë dhe Zhvillimit Rural
- Mimoza Kusari – ministre e Ndërmarrësisë, Tregtisë dhe Inovacionit
- Dimal Basha – ministër i Infrastrukturës dhe Transportit
- Artane Rizvanolli – ministre e Ekonomisë
- Nenad Rashiq – ministër për Komunitete dhe Kthim
- Rasim Demiri – ministër për Zhvillim Rajonal
Me votimin e kabinetit të ri qeveritar, Albin Kurti nis zyrtarisht mandatin e katërt si kryeministër i Kosovës.
Votimi i Qeverisë së re vjen në kuadër të seancës konstituive të Kuvendit të Kosovës, duke shënuar një tjetër etapë në zhvillimet politike dhe institucionale të vendit.
