Pas disa sezonesh ku ngjyra bordo ka qenë një nga tonet më të preferuara në modë, ndërsa së fundmi vëmendja është zhvendosur te nuancat kafe, ngjyra e kumbullës pritet të jetë një nga trendet kryesore të vjeshtës dhe dimrit 2026.
Kjo nuancë dallohet nga bordoja për pigmentin më të theksuar vjollcë, i cili i jep një pamje më të freskët, të gjallë dhe moderne.
Megjithatë, kjo nuk do të thotë se duhet të hiqni dorë nga veshjet bordo, pasi të dyja ngjyrat kombinohen shumë mirë dhe krijojnë stile elegante e të pasura.
Ngjyra e kumbullës po shfaqet në shumë prej koleksioneve të reja të modës, duke filluar nga palltot e gjata, deri te fustanet prej sateni.
Ajo po bëhet gjithashtu e preferuar në aksesorë, veçanërisht në çanta lëkure, këpucë dhe detaje prej kadifeje.
Trendi u vu në pah që në koleksionin vjeshtë-dimër 2025 të Alexander McQueen, ku nuancat e pasura të vjollcës u përdorën në veshje të ndryshme, nga xhaketat bomber deri te fustanet elegante të mbrëmjes.
Tonet e thella të kumbullës sjellin një ndjesi luksi dhe elegance moderne.
Ato kombinohen veçanërisht bukur me ngjyrat krem dhe blu të errët, duke krijuar kombinime të ngrohta dhe të sofistikuara, perfektë për sezonin e ftohtë.
