Shkup, 21 shtator, Zhurnal.mk – Policia ka paraqitur kallëzim penal kundër A.M. (61) nga Struga, i punësuar në Ministrinë e Financave – Drejtoria për çështje pronësore‑juridike Strugë, për shkak të dyshimit për keqpërdorim të pozitës dhe autorizimeve zyrtare, punë të pandërgjegjshme në shërbim dhe falsifikim të dokumentit zyrtar.
Sipas MPB‑së, i kallëzuari, i cili punonte si këshilltar dhe nënshkrues i autorizuar i akteve, gjatë viteve 2022, 2023 dhe 2024 ka përgatitur vendime të rreme për privatizim të tokës për persona të tjerë.
Ai, siç thuhet, vetëvendosshëm vendoste vulën zyrtare për fuqinë juridike të vendimeve dhe i dërgonte në Departamentin e Kadastrës së Patundshmërive në Strugë, pa i dorëzuar më parë në institucionin kompetent për mendim.
