Shkup, 22 shtator, Zhurnal.mk – Në margjinat e Asamblesë së Përgjithshme të Kombeve të Bashkuara, ministri i Punëve të Jashtme dhe Tregtisë së Jashtme, Timço Mucunski, sot në Nju Jork realizoi takim me ministren e Punëve të Jashtme të Kanadasë, Anita Anand.
Në vitin kur shënohen 30 vjet marrëdhënie diplomatike, bashkëbiseduesit konfirmuan bazën e fortë të partneritetit maqedono‑kanadez dhe interesin e përbashkët për thellimin e mëtejshëm të tij.
U theksua edhe rëndësia e komunitetit të madh maqedonas në Kanada, i cili paraqet një urë të rëndësishme dhe vlerë shtesë në marrëdhëniet mes dy vendeve.
Në takim u diskutua edhe për përmirësimin e bashkëpunimit politik dhe ekonomik, me fokus të veçantë në mundësitë për rritjen dhe diversifikimin e shkëmbimit tregtar.
Dy ministrat konfirmuan bashkëpunimin e ngushtë dhe mbështetjen e ndërsjellë në kuadër të organizatave multilaterale, veçanërisht në Kombet e Bashkuara dhe NATO, si dhe përkushtimin e përbashkët ndaj stabilitetit dhe sigurisë ndërkombëtare.
