Projektbuxheti 2027, rritje pagash për 8 500 punonjës të Policisë së Shtetit

Nga D V
A+ A-
Rivendos

Tiranë, 18 nëntor, Zhurnal.mk – Projektbuxheti i vitit 2027 parashikon rritje pagash për punonjësit e Policisë së Shtetit. Ministri i Financave, Petrit Malaj, gjatë prezantimit të projektbuxhetit në Kuvend, tha se për sektorin e sigurisë dhe rendit publik është parashikuar një financim prej 36.7 miliardë lekësh, nga të cilat 3.3 miliardë lekë do të përdoren për rritjen e pagave të efektivëve të policisë.

Nga kjo masë do të përfitojnë 8,500 punonjës me gradën inspektor, të cilëve do t’u rritet paga bazë me 20,000 lekë.

Ndërkohë, për kategoritë e tjera të punonjësve të Policisë së Shtetit parashikohet shtesë page nga 10,000 deri në 15,000 lekë, në varësi të gradës.

“Siguria dhe rendi mbeten gjithashtu pjesë e rëndësishme e prioriteteve tona. Për këtë arsye, Projektbuxheti 2027 siguron fondet e nevojshme për forcimin e këtyre sektorëve, si dhe mbështetje shtesë për punonjësit e Policisë së Shtetit.

“Financimi parashikohet në masën 36.7 miliardë lekë, ku 3,3 miliardë lekë shtesë për pagat e punonjësve të Policisë së Shtetit. Përfitojnë 8,500 punonjës, me gradën inspektor, të cilëve u rritet paga bazë me 20,000 lekë. Kategoritë e tjera përfitojnë shtesë page nga 10,000 lekë deri në 15,000 lekë në varësi të gradave”, tha ai.

Sipas tij, krahas forcimit të kapaciteteve institucionale, rritja e pagave është pjesë e angazhimit për të mbështetur punonjësit që kontribuojnë çdo ditë në garantimin e rendit dhe sigurisë publike.

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër