Tetovë, 19 nëntor Zhurnal.mk – Kryetari i Komunës së Tetovës, Bilall Kasami, ka inspektuar nga afër punimet infrastrukturore që po zhvillohen në lagjen “Jashtë Vardarit”.
Sipas Kasamit, aktualisht po punohet në ndërtimin e rrjetit të kanalizimit atmosferik dhe përmirësimin e rrjetit të ujësjellësit, ndërsa pas përfundimit të këtyre ndërhyrjeve do të vijojë edhe asfaltimi i rrugës.
Kasami ka theksuar se investimet në infrastrukturë do të vazhdojnë në të gjitha lagjet e Tetovës, me qëllim përmirësimin e kushteve dhe cilësisë së jetesës për qytetarët.

