Durrës, homazhe në nderim të të rinjve të internuar nga nazistët më 20 nëntor 1943

Nga D V
A+ A-
Rivendos

Tiranë, 20 nëntor, Zhurnal.mk – Kryebashkiakja e Durrësit, Emiriana Sako mori pjesë sot në homazhet që u zhvilluan në përkujtim të të rinjve luftëtarë dhe patriotë, të cilët më 20 nëntor 1943 u morën me dhunë nga qyteti dhe u dërguan në kampet naziste të përqendrimit gjatë Luftës së Dytë Botërore.

Ceremonia përkujtimore u mbajt pranë lapidarit të ngritur në Shkozet, në vendin ku ndodhi ngjarja tragjike, në nderim të kujtimit të të rinjve që u përballën me internimin dhe represionin nazist.

Sako shprehu mirënjohje për qëndresën dhe sakrificën e tyre, duke vlerësuar kontributin e të rinjve që dhanë jetën në emër të lirisë së Shqipërisë.

“Sakrificat e tyre mbeten një mesazh i fuqishëm për të gjithë brezat që e duan Shqipërinë. Mirënjohje dhe respekt për të ata të rinj që bënë rezistencë antifashiste dhe vuajtën në burgjet dhe kampet naziste të përqëndrimit”, tha Sako.

artikuj të ndërlidhura

Kjo faqe interneti përdor cookies për të përmirësuar përvojën tuaj. Ne do të supozojmë se jeni dakord me këtë, por mund të çregjistroheni nëse dëshironi. Pranoj Lexo më tepër