Aksion në Gostivar, ndalohen 5 shtetas të huaj për qëndrim dhe punë të paligjshme

Shkup, 17 shtator, Zhurnal.mk – Policia e Gostivarit, në bashkëpunim me Inspektoratin e Punës, ka realizuar një kontroll aksion në tri objekte në rrugën „Mara Ugrinova“ në Gostivar.

Kontrolli është zhvilluar më 16 shtator, nga ora 10:00 deri në 11:00.

Sipas policisë, gjatë aksionit janë ndaluar pesë shtetas të huaj për shkak të qëndrimit të paligjshëm dhe punës pa lejet përkatëse në vend.

Bëhet fjalë për O.P. (46), M.E. (71) dhe Ç.V. (74) nga Shqipëria, si dhe A.M. (39) dhe E.E. (40) nga Turqia.

Pas dokumentimit të plotë të rastit, ndaj tyre do të pasojnë parashtresat përkatëse.