Hanover, 20 prill Zhurnal.mk – Kancelari gjerman Friedrich Merz dhe presidenti brazilian Luiz Inácio Lula da Silva vizituan sot panairin më të madh industrial të Gjermanisë përpara konsultimeve dypalëshe të ditës së sotme, por vizita nuk shkoi sipas planit.
Organizatorët e panairit “Hannover Messe”, në veri të Gjermanisë, mbetën të habitur kur dy liderët u ndanë dhe vazhduan turin veçmas, pasi mbajtën një fjalim të shkurtër në ditën e parë të aktivitetit.
Brazili është vendi i ftuar i këtij viti në panair dhe Merz me Lula-n vizituan së bashku stendën e tij.
Por, ndërsa Lula vijoi të shihte ekspozues të tjerë brazilianë, Merz u largua i vetëm, dhe deklarata e përbashkët e planifikuar në fund të turit u anulua.
Policia dhe zyrtarët e panairit shprehën habi.
“Nuk kemi parë kurrë diçka të tillë më parë”, thanë organizatorët.
Nuk pati një shpjegim të menjëhershëm pse Merz dhe Lula vendosën të vazhdonin turin veçmas.
Plani fillestar ishte që dy politikanët ta zhvillonin turin së bashku.
Dy liderët pritet të zhvillojnë konsultime qeveritare më vonë gjatë, në Hanover, ku do të diskutojnë forcimin e marrëdhënieve në fusha si tregtia, lëndët e para, mbrojtja, digjitalizimi, kërkimi shkencor dhe mbrojtja e klimës.
Gjermania zhvillon konsultime me partnerë të ngushtë si Franca, Polonia dhe Italia, si dhe me vende të tjera kyçe si Brazili apo India. Gjermania është vendi partner, i katërt më i madh tregtar i Brazilit.
Merz dhe Lula u takuan dje në Pallatin Herrenhausen, në Hanover për një takim “kokë më kokë” dhe më pas morën pjesë në hapjen e panairit “Hannover Messe 2026”.
