Arben Fetai thërret mbledhje urgjente, pritet shkrirja e të gjitha strukturave: I jepet shans VLEN-it

Shkup, 25 shkurt – Aleanca e udhëhequr nga Arben Fetai do të mbajë nesër në mbrëmje një takim të jashtëzakonshëm me strukturat nga i gjithë vendi, ku pritet të merret vendim për shkrirjen e strukturave partiake.

Nga kjo parti theksojnë se, si ndër kontribuuesit dhe sakrifikuesit më të mëdhenj për krijimin dhe mbajtjen gjallë të VLEN-it, po hedhin hapin e radhës drejt themelimit të VLEN-it si subjekt politik.

Disa javë më parë, edhe Lëvizja Besa i shkriu strukturat e saj partiake, si hap drejt formimit të subjektit të ri politik me emrin VLEN.

Pritet që të njëjtin veprim ta ndërmarrin edhe LD-ja e Izet Mexhitit dhe Alternativa e Bekim Salit.