Sofje, 30 shtator Zhurnal.mk – Një ish-punonjës i kompanisë së të vrarit Iliyan Filipov, biznesmen dhe drejtues i ekipit të ligës së parë bullgare Botev Plovdiv, është ndaluar.
Mediat bullgare mjoftouan se ai punonte në njërën nga kompanitë e transportit të viktimës. Media bullgar.
Burri me inicialet S. M., i cili është 50 vjeç, u arrestua në qendër të Sofjes. Sipas Nova TV, ka informacione se ai është autori i vrasjes.
Sipas informacioneve nga “24 Hours”, burri ka një dosje në Ministrinë e Punëve të Brendshme, dhe fotografia e tij është bërë më parë nga kamerat video në zonën e vrasjes.
Biznesmeni bullgar u vra rreth orës 1 të mëngjesit përpara një ndërtese që e ndërtoi vetë. Sipas informacioneve të pakonfirmuara, Filipov u qëllua me një plumb të vetëm në kokë. Krimi i rëndë u krye në një lagje të Plovdivit pranë “Peshtersko Shose” dhe një prej daljeve të qytetit. Ende nuk është e qartë nëse ka pasur ndonjë dëshmitar.
Zona përreth vendit të ngjarjes u bllokua për orë të tëra. Trafiku u kufizua në disa rrugë ndërsa hetuesit punonin. Në zonë u kryen kërkime dhe kontrolle automjetesh.
