Përfaqësuesja e Maqedonisë vazhdon përgatitjet për ndeshjen e 31 marsit ndaj Irlandës në Dublin. Kapiteni Enis Bardhi, së bashku me Isnik Alimin kanë vendosur të qëndrojnë pjesë e ekipit edhe për këtë ndeshje duke mos e lënë përfaqësuesen në baltë.
Ata treguan qartë qëndrim të fortë dhe përgjegjësi ndaj fanellës verdhekuqe, duke refuzuar të largohen edhe pse klubet e tyre kërkuan ndryshe, duke dëshmuar se për ta, përfaqësuesja është mbi interesat individuale.
Nga ana tjetër, tërheqjet e Aleskandar Trajkovski dhe Bojan Miovski pas ndeshjes me Danimarkën reflektojnë një reagim personal dhe një lloj revolte për faktin se nuk luajtën në start. Këto vendime i lënë trajnerin Goce Sedloski me më pak opsione në sulm.
Ndërkohë, stafi teknik duhet të përballet edhe me mungesat e tjera, përfshirë lëndimin e Jani Atanasov, që do ta bëjë më të vështirë menaxhimin e skuadrës për duel.
Në këtë situatë, profesionalizmi dhe përkushtimi i lojtarëve si Bardhi bëjnë diferencën dhe tregojnë se bashkimi i ekipit dhe vendosmëria për të mbrojtur fanellën kombëtare mbeten prioriteti kryesor.
